Ritwik ghatak ,Andrei Tarkovsky సినిమాలు

మొత్తానికి ఎలా అయితే నే ... రిత్విక్ ఘటక్ సినిమా చూసేసా. ఈయన గురించి ఎన్నో రోజులనుంచి వినడం, చదవడమే కానే సినిమా ఏదీ చూళ్ళేదు అప్పుడప్పుడు ... యూ ట్యూబ్ గూగుల్ వీడియోస్ లో కిన్ని క్లిప్స్ తప్ప.

ఆయన సినిమాలు చూడాలని చాలా రోజులనుంచి అనుకుంటున్నాను .... ఎక్కడా దొరికి చావలేదు ... నా కష్టాలు ఆ దేవుడికి సినిమా స్కోప్ లో కనిపించాయేమో మొత్తానికి చూపించేసాడు .....

మొన్న మా కజిన్ తో కలిసి తో కలిసి వాళ్ళ ఫ్రెండ్ ఇంటికి వెళ్ళాం , మాటల్లో తెలిసింది ఆ అమ్మాయి వాళ్ళ అన్నయ్య బెంగాళి సినిమాల ఫాన్ అని దాంతో తో ప్ర్రణం లేచొచ్చినట్టయ్యింది ... వెంటనే రిత్విక్ ఘటక్ సినిమాలేవయినా ఉన్నాయా అనడిగా. YUP అని రూం లో కి వెళ్ళొచ్చి "Meghe Dhaka Tara" , "Nagarik" సినిమాలు తెచ్చి నా వొళ్ళో పడేసింది ......

Meghe Dhaka Tara గురించి చాలా విన్నాను చదివాను రిత్విక్ ఘటక్ సినిమాల్లోకెల్లా ఇది బెస్ట్ అని చాలా చోట్ల విన్నాను.

ముఖ్యంగా ఆయన సినిమాలన్నీ బెంగాల్ పార్టీషన్ , దాని తర్వాత పరిస్థితుల బేస్డ్ గానే సాగుతాయి. Meghe Dhaka Tara , Nagarik రెండిటిలోనూ ఇది కనిపిస్తుంది, పాత్రల్లో కూడా ముఖ్యంగా ప్రోటోగానిస్ట్స్ పై ఆ సీక్వెంసెస్ ప్రభావం ప్రధానంగా కనిపిస్తుంది. ఈ రెండు సినిమాలూ చూసాకా రిత్విక్ కధా, కధనాల శైలి ఆయన ఎంచుకున్న దీంస్ జపనీస్ డైరెక్టర్ Yasujiro Ozu (Tokyo Story ) వర్క్స్ కి చాలా దగ్గరి పోలికలు కనిపించాయి , నాకెందుకో ఇద్దరూ గొప్ప మినిమల్ ఆర్టిస్ట్స్ అనిపిస్తుంది.


Meghe Dhaka Tara ---



ఒక శరణు శిబిరం నేపధ్యం గా సాగే నీతూ అనే అమ్మాయి కధ. తన కుటుంబం కోసం కష్టపడుతూ తను కర్పూరం లా కరిగి పోయినా ఫర్లేదు తన వాళ్ళు మాత్రం బాగుండాలి అనేది నీతూ.

ఇలాంటి కధలు మనకు కొత్త కాక పోయినా దీన్ని రిత్విక్ తీసిన తీరు కి అయనకి కుడోస్. బయట నుంచే కాక ఇంట్లోనుంచి కూడా తనకు ఏమోషనల్ సపోర్ట్ లేక పోవడం తో నీతూ కారెక్టర్ పడే సైకలాజికల్ స్ట్రగుల్ అంతా ఇంతా కాదు. తను కుటుంబం కోసం అంత కష్ట పడ్దా వాల్లు మాత్రం సెటిల్లయ్యాక ఒక్కొక్కరు గా తనను వదిలేస్తారు.

బాల చందర్ సినిమా " అంతు లేని కధ " కు ఈ సినిమా నే మూలం కావొచ్చు. ఇందులో ని చాలా సీన్స్ అంతు లేని కధ లో మక్కికి మక్కి దించినట్టు అనిపించింది.

మొత్తానికి హార్ట్ బ్రేకింగ్ మెలో డ్రమాటిక్ సినిమా ... రిత్విక్ ఘటక్ కి ఎందుకంత పేరో సినిమా చూసాక అర్ధం అయ్యింది. prime సీన్ నరేషన్ లో ఉండగానే subime గా మరో సెకండరీ ప్లాట్ ని నడిపిస్తూ తరువత దాన్నే ప్రైమరీ నరేషన్ లో కి తెచ్చే ishtyle భలే గా ఉంది.



Nagarik ----








రాము అనే నిరుద్యోగి జీవితం లో అతనికి అతని కుటుంబానికి ఎదురయ్యే కష్టాల కడలి ఈ సినిమా. పూర్తి గా రిత్విక్ స్టైల్ మెలో డ్రామా , హ్యుమానిటీ , xplotiataion తో నిండిన కధ.

తమ కుటుబం గడవడానికి కష్టంగా ఉండడం తో ఆధారం కోసం రాము కుటుంబం సాగర్ ని అద్దెకు ఉండమంటారు , ఇతనిది అంటాగానిస్ట్ కారెక్టెర్ , వాళ్ళ కష్టలు తీర్చక పోగా మరిన్న వచ్చి పడతాయి ఇతని వల్ల ... ఆఖరికి తను కూడా దిక్కు లేని వాడు అవుతాడు. కానీ రామూ అతన్ని ఒక మంచి పౌరుడిగా అతన్ని త్రిగి చేరదీయడqm తో సినిమా ముగుస్తుంది.

మొత్తానికి రిత్విక్ ఘటక్ సినిమాలు రెండు చూసానోచ్ !! :)


Andrei Rublev ----

ఈ మధ్య చూసిన మరో సినిమా Andrei Tarkovsky తీసిన Andrei Rublev. ఆయన సినిమా ఇంతకు ముంపు రెండు చూసాను The Sacrifice , Solyaris చూసి ఉన్నా కాబట్టి ఆయన సినిమా ల పై కూసింత అవగాహన ఉంది. కానీ Andrei Rublev పూర్తిగా డిఫరెంట్ టేకింగ్ అనిపించింది. సింక్ కావడానికి కొంత టైం పట్టింది, ఇంకా పూర్తిగా interpret చేయలేక పోయాననే చెప్పాలి.

కానీ సినిమా ఎందుకో అంత మైండ్ బ్లోయింగ్ అనిపించలేదు . మే బీ అర్ధం చేసుకొని అవగాహన పెంచుకోవడానికి ఇంకో సారి చూడాలేమో.... కానీ దాన్ని ఇంకో సారి చూడ్డానికి ఎందుకో మంసొప్పుకోవట్లేదు. విసూవల్ గా మాత్రం సినిమా మంచి ట్రీట్ అని చెప్పొచ్చు.